ԹՈՒՖԵՆԿՅԱՆ ԱՎԱՆԴԱԿԱՆ ԵՐԵՎԱՆ
Հյուրանոց
Թուֆենկյան Ավանդական Երևան Հյուրանոցը դռները բացել է 2012 թվականին: Հյուրանոցը տեղակայված է Երևանի կենտրոնում` Հանրապետության և Բուզանդի փողոցների հատման կետում: Թուֆենկյան Ավանդական Երևան Հյուրանոցի արտաքին ձևավորումը համահունչ է Երևանի 19-20-րդ դարերի ճարտարապետությանը: Հյուրանոցի ձևավորման վրա աշխատել է հայտնի դիզայներների խումբ, որի կազմում էին աշխարհահռչակ ճարտարապետ և ինտերիերի ձևավորող Կլոդաղը և անձամբ Ջեյմս Թուֆենկյանը: Երևանյան այս նոր հյուրանոցի ներքին հարդարանքը ներկայացնում է մանրակրկիտ մշակված դետալների, շքեղ կահավորանքի և ընդգծված քարային շեշտադրումների ամբողջություն` հիանալի կերպով արտահայտելով հայկական ավանդական ճարտարապետության թեմատիկան: Թուֆենկյան Ավանդական Երևան Հյուրանոցն իր հյուրերին առաջարկում է բացառիկ հարմարավետություն և ջերմ ու սրտաբաց ընդունելություն: